Türkiye ABD-niñ tazyığı altında martnıñ 1-nden başlap ABD ve Avropa Birliginiñ sanktsiyaları altında olğan mahsullarnıñ Rusiyege tranzitini toqtatacaq. Bunı Bloomberg Türkiye nufuzlı memurına atfı etip bildire.
Agentlikniñ bildirgeni kibi, Türkiye keçken sene Rusiye içün mallarnıñ esas reeksportörı olğan. O zaman mal dönümi doquz milliard dollardan ziyade olğan. 2021 senesi bu köstergiç altı milliardğa yaqınlaşqan.
Bloombergniñ subetdeşlerinden biri, evelâ Türkiyege ital etilgen, soñra Rusiyege satılğan mallarnen bağlı bir problem olmamalıdır dep qayd etti.
Ankaranıñ Rusiyege sanktsiyalar altındaki mallarnıñ tranzitini musarağa alğanı aqqında martnıñ 9-nda "Kommersant-FM" logistik şirketlerniñ temsilcisine atfı etip bildirdi. Neşirniñ subetdeşlei tranzitniñ toqtatılmasını ABD devlet kâtibi Entoni Blinkinniñ Türkiyege soñki seferi ile bağlay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.