Rusiyede Tuapse belediye okrugında aprelniñ 28-nden başlap regional seviyede fevqulâde vaziyet rejimi kirsetile, dep haber ete yerli operativ ştab.
Yanğın neticesinde cermay mallarınıñ bir qısmı yolğa aqtı. ASTRA Telegram kanalı şaatlarnıñ videolarından cermay malları Tuapse cermay zavodından Köşkin soqağına tökülgenini qayd etti. Yaqarlıq gece ücüm etilgen savutlardan aqqandır, dep tahmin ete ASTRA.
252 insan ve 62 dane tehnika yanğınnı söndüre.
Tuapsede suv problemleri bar. Rospotrebnadzor mütehassısları sakinlerge acele bir şey olmasa, soqaqqa çıqmamağa tevsiye etti.
Krasnodar ülkesine "Tuapsedeki cermay bazasında çıqqan büyük yanğınnıñ söndürilüvini kontrol etmek içün" Fevqulâde vaziyet naziri Aleksandr Kürenkov keldi, dep haber ete TASS. Şeerge barmasını prezident Vladimir Putin emir etti.
Tuapsedeki cermay zavodında yanğın gece Ukrayina uçucısızlarınıñ ücüminden soñ çıqtı. Uydu resimleri alev dört eñ büyük cermay rezervuarını qaplap alğanını köstere.