ABD prezidenti Donald Trump bildirgenine köre, Rusiyeniñ Ukrayinağa qarşı cenkniñ soñu "bu zamanğa qadar olmağanı qadar yaqındır".
"Bu künleri Vladimir Putinnen Ukrayina ile cenkiniñ bitirilüvi aqqında laf ettim, buña yaqınlaşamız, belki de, şimdi buña eñ yaqınmız", – dedi Trump Beyaz Sarayda jurnalistlerge.
Trump daa evel de aynısını aytqan edi, amma Ukrayina, ABD ve Rusiye vekilleriniñ bir qaç muzakere raundı ve bıltır Alâskada Putinnen körüşüvi Ukrayinadaki cenkni bitirip olamadı.
O, mahsus vekili Steve Witkoffnıñ aytqanlarını da izaatladı. Witkoff Rusiye prezidenti Vladimir Putinni "gumanist" dep adlandırdı – Amerikalı Stephen Hubbardnıñ azat etilüvi aqqında aytılğandır.
"Belli maqsadı bardır – qalğan ömrüni apiste keçirecegini tüşüngen insannı azat ettirmek içündir", – dedi Trump.