Ukraina volontöri, yırcı, “Antitela” taqımınıñ lideri Taras Tololâ, kelecekte Qırım Ukraina terkibinde qırımtatar muhtariyeti kibi olmalı, dep saya.
Bunı o, Ukraina halq ameliy sanatınıñ milliy müzeyinde "Bu acayip ukrainler" ("Tsi Dıvovıjni ukrayintsi") kitabınıñ ve "Seyaat kitabı. Ukraina" resim serialınıñ taqdiminde Qırım.Aqiqatqa tefsir bererek, ayttı.
"Menimce, biz, qırımtatarlarnıñ Qırımğa aqqını bütün dünyağa bildirgenimizden soñ, Qırımğa malik olmaq ve onı idare etmek aqqımıznı qorçalap başlağanımızdan soñ, qırımtatar halqınıñ bu topraqta öz idare etüv aqqına qol tutqanımızdan soñ, bu yer parçası kelecekte Ukrainanıñ bir qısmı ola bile", - dedi Topolâ.
Your browser doesn’t support HTML5
Музыкант Тарас Тополя – о будущем Крыма (видео)
Oktâbr 10-unda Ukraina prezidenti Volodımır Zelenskıy, qırımtatar muhtariyeti Qırımnıñ işğalden qurtaruv meselesini qolaylaşıracağında emin olmağanını ayttı.
Qırımtatar Milliy Meclisi IX çağırılış Yuqarı Rada deputatlarını Ukraina Anayasasınıñ «Qırım Muhtar Cumhuriyeti» X maddesine deñişmeler kirsetmesine çağırdı.
Ukraina haber siyaseti naziriniñ birinci muavini Emine Ceppar qırımtatar muhtariyetiniñ «separatizmge iç bir alâqası yoq» dep añlatqan edi. Onıñ qurulması ise Ukrainanıñ 2014 senesi qoşulğan BM tamır halqlarnıñ aqlarına dair beyannamesinde qayd etilgen tamır halqnıñ aqqı ola.
2014 senesi martnıñ 20-nde Ukraina Yuqarı Radası qırımtatarlarnı Qırımnıñ tamır halqı dep tanıdı. Bu qararğa 283 halq deputat rey berdi. Ukraina qırımtatar halqınen diger milliy azlıqlarnıñ Ukrainanıñ tamır halqı olaraq etnik, medeniyet, til ve din kimliginiñ saqlap qalması ve inkişafını kefil olmaqta.