Tintüv, apis, SİZO: Mecit Ablâmitovnıñ ikâyesi (video)
Your browser doesn’t support HTML5
Avgustnıñ 19-nda saba erte Rusiye quvetçileri İslâm Terek rayonınıñ Seyit Eli (Juravki) köyünde yaşağan Mecit Ablâmitovnıñ evinde tintüv keçirdi. Tahqiqat tedbirlerinden soñ 26 yaşında qırımlı tutuldı. Rusiye FSBsiniñ malümatına köre, Ablâmitov «ukrain milletçi batalyonında» iştirak etkeninde şübheli sayıla. Quvetçiler, qırımlı 2016 senesi esas Ukrainağa ketip, «Lenur İslâmov qurğan N.Çelebicihan batalyonına» kirdi, dep bildire. Qırım.Aqiqat mühbiri Ablâmitovnıñ evine barıp, tuvğanlarınen laf etti. Avgustnıñ 19-nda keçirilgen tintüv Rusiye quvetçileriniñ ilk ziyareti degil eken.