Taşta ve samanda qatıp qalğan qırımtatar tarihı: Ğavr köyü (fotoresimler)

Boyka massiviniñ qarlı etrafları manzarasında baqılmağan çay gülleri tarlaları

Ğavr merkezinde 1909 senesinde qurulğan kemerli ev. Birinci qatında azıq tükânı çalışa

Eski medresede köyniñ feldşer-ebanay noqtası çalışa

Tihaya soqağında 1901 senesi yerli tuftan yapılğan şahsiy ev. 1917 senesiniñ bolşevik devriminden evel anda qave ve et tükânı bar edi. Evniñ sağ tarafında yaşağanlar bar, sol tarafı baqılmay

Baş kirişteki arap urufatı

Ğavrnıñ eñ eski evi XIX asırnıñ birinci yarısında qurulğandır. Bir qaç yıl evelsi onı tarih alimleri meraq etti. Şimdiki saipleri anda ev quşlarını tuta

Qaytqan qorantanıñ saman bloklarından yapılğan üç zemaneviy evden biri. Tek mında yaşaylar

Yañı sakinlerniñ evleri, hususan Rusiyeden kelgenlerniñ. Bu evler Tomalaq bayırnı sarıp alğan. Sürgünlikten evel köylüler bayırğa «Gülsum bitay bağçaları» dey edi

Ğavrnıñ Medeniyet evi 1960 senesi qurulğan edi (o vaqıt köy Otradnoye adını taşığan edi). Köy medeniyetiniñ sol tarafı – minaresi yıqtırılğan eski cami

Medeniyet evi artında sport meydançığı cenkten soñ yoq etilgen eski musulman mezarlığında qurulğan 

Qomşu Aromat köyünden farqlı mındaki quyular suv tolu. Olar tatlı suvnıñ yedegi olaraq qullanıla

Ğavr-Aromat yolunıñ çetinde ceviz tamırları suv borularından «keçti»

Köy çetinde endi ot yeşere

Belbek özeni Ğavrnı aman-aman eki aynı qısımğa böle. İrigen qar onı suvnen daa yahşı toldurmadı

Belbekniñ ortasında «taş mektübi»

87 yaşında Seyfula ağa evde oturamayıp, yol çetindeki qaqlarnı qapata. Sürgün etilgen Qırğızistandan qorantasınen beraber 1988 senesi mayıs ayında vatanğa qayttı

Aralarında torunı Riza Nuradinov da bar edi. Köyniñ sabıq muzıka tarihınıñ ocası – eski Ğavr tarihı ve ananelerini saqlağan esas kişidir