Tallinnniñ merkezinde Ukraina diplomatları ve faaller Rusiyeniñ Qırım ilhaqı başlağanınıñ 5 yılına bağışlanğan aktsiyanı keçirdi. Bu aqta Ukrainanıñ Estoniya elçisi Maryana Betsa Twitterde bildirdi.
Центр Таллінна. Площа Свободи. Посольство України в Естонії доєдналось до акції в рамках міжнародної кампанії, організованої міжнародним громадським рухом #LIBERATECRIMEA, а також українською громадою, у зв’язку з 5-ми роковинами початку російської агресії проти України pic.twitter.com/2ZAgA19TNo
— Mariana Betsa (@Mariana_Betsa) 21 февраля 2019 г.
Aktsiya iştirakçileri Ukraina, Latviya ve qırımtatar bayraqlarını alıp, #LIBERATECRIMEA yazısını tizmek içün arifler ile kâğıtlarnı tuttı.
Fevralniñ 20-si – Qırım ilhaqı başlağanınıñ resmiy künü, onı 2015 senesi aprelniñ 21-nde Ukraina Yuqarı Radasınıñ «Ukraina Yuqarı Radasınıñ «Rusiyeniñ silâlı istilâsına qarşı tirenüv ve aqibetlerini yoq etüv aqqında» beyanatı aqqında» qararı belgiledi.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.