Afğanistan topraqlarını idare yötken «Taliban» areketi Qırımnıñ Rusiye taarfından ilhaq etilmesine noqta-i nazarını bildirdi. «Taliban» areketiniñ spikeri Zabihulla Mucahid "Oktagon.Media" Rusiye saytına intervyü vaqtında «Taliban» Rusiyeniñ iç bir memleket ile cenkleşkenini istemegenini ayttı.
«Qırımğa kelgende, bu Ukraina ve Moskvanıñ işidir. Bu mesele tezden çezilecegine ümüt etemiz. Allah saqlasın, bundan sebep bölgede cenk olıp, diger memleketler bunı öz menfaatına qullanmasın. Bu bölgedeki vaziyetni stabilsizleştirir», – dedi o.
Şunı da qayd etti ki, «Taliban»nıñ Qırımnıñ statusına dair noqta-i nazarı Qırım halqınıñ ne istegenine bağlıdır.
«Rusiyenen olmağa istese, biz qoltutuamız», – dedi Mucahid.
«Oktagon.Media» saytınıñ baş muarriri rusiyeli poltittehnolog, Qırım leyhası ekspert gruppasınıñ yolbaşçısı İgor Râbovdır.
Ukraina akimiyeti «Taliban» temsilcisiniñ sözlerini resmen tefsir etmedi.