Qapsihor köyünde evi Rusiye akimiyeti tarafından yıqtırılğan qırımtatar milliy areketiniñ veteranı Rustem Üseinov alâ daa Sudaq hastahanesindedir. Qırımtatar Milliy Meclis reisi Refat Çubarovnıñ Qırım.Aqiqatqa haber etkenine köre, semetdeşleri oña ev teklif eteler.
Çubarovnıñ aytqanına köre, Üseinovğa onlarca pervasız olmağan adam telefon etip, yardım teklif etkenler.
«Oña telefon etken ve hasthanege kelgen adamlar bu vaziyet çelgenine qadar olarnen yaşamağa teklif ettiler. Men onen bağ tutam, daa qarar almağanını maña ayttı. Amma hastahaneden çıqqan soñ, yıqtırılğan eviniñ olğan yerde qalmaq içün fırsat qıdıracaq», – dedi Çubarov.
Üseinovnıñ özü jurnalistlerge Qapsihordan ketmeycegini bildirdi. Hastahaneden çıqqan soñ o, keçmiş eviniñ yerinde çadır tiklep, «tuvğan toprağında yaşamaq aqqı öğrunda küreşini» devam etmek niyetindedir.
Hatırlatamız, noyabrniñ 24-nde Üseinovnıñ Qapsihordaki evine mahkme icracıları, Rusiye polisi, OMON hadimleri ve diger hızmetler evini yıqmaq içün keldi. Qırım.Aqiqat mühbiriniñ bildirgenine köre, bu yılnıñ yazında yerli memuriyetniñ "araziniñ qanunsız inşaatı aqqında" davası boyunca mahkeme esnası keçirilgen. Mahkeme Üseinovnıñ iştirgi olmadan keçken, çünki oña haber bile etilmegen.
Rusiye akimiyetiniñ Qapsihor (Sudaq) şeerinde evini yıqacaq olğan qırımtatar milliy areketiniñ veteranı Rustem Üseinov yaramadı, onı acele yardım alıp ketti.
Memuriy ve diger temsiliy organlarnıñaçıq tevfsirleri ve izaatları yoq.