Rusiye nezaretindeki Sudaq şeer mahkemesi iyül 27-sinde "tehnikiy sebep ile" Sudaq yerli meclisiniñ reisi İlver Ametovnıñ davası boyunca oturışnı başqa künge keçirdi.
Ametovnıñ advokatı Aleksey Rostovtsev Qırım.Aqiqatqa haber etkeni kibi, "bu cinaiy davanıñ şaatları haberdar etilmedi" ve olar oturışqa kelmedi. Onıñ aytqanına köre, mahkeme bu davanıñ esasınıñ baqmasına keçti.
Advokat, İlver Ametovğa qarşı qullanılğan madde boyunca sadece aselet yapılğan cinayetçilik içün mesüliyet olmaq kerek olğanını qayd etti. Amma, Rostovtsev qayd etkeni kibi, müşterisiniñ böyle niyeti yoq edi - o müzey topladı, anda balalar, talebeler kele edi.
"Menimce, bu davanıñ esası yoq. Añlatayım. Müşterimde tapılğan nesne - bu silânıñ deñiştirilgen bir qısmıdır. Em deñişüvler onı sadece yaramayca yaptı", - dedi advokat.
Em de o, bu silâ müşterisine ait olmağanını qayd etti,
"Bu deñişmelerni o yapmadı. 2005 yılda müşterimniñ oğlu Apaz bu nesneni evge ketirdi. Apaznıñ qartbabası, Sudaqnıazat eterek, Sudaqqa tankta kirdi. Bunıñ şerefine İlver Ametov toplap turğan müzeyni yaratmağa qarar alındı", - añlattı advokat.
İlver Ametovnıñ özü ise emin ki, oña qarşı ahkemeler onıñ siyasiy ve içtimaiy faaliyeti sebebinden keçirile.
"Men yerli meclis reisi, em qırımtatar olğanım sebeptir", - dedi o.
Bundan ğayrı imaye, oturışqa silânıñ ekspertizasını yapqan ekspertni davet etmege muracaat etti. Mahkeme muracaatnı qanaatlendirdi ve oturışnı sentâbrniñ 17-sine avuştırdı.
В мае сообщалось, что подконтрольный Кремлю Мировой суд Судака принял решение оштрафовать на 150 тысяч рублей Ильвера Аметова. Штраф касался его предпринимательской деятельности.
Kreml kontrolindeki Sudaqnıñ Mirovoy mahkemesi 2019 senesi sentâbrniñ 27-nde Rusiye quvetçileri tintüv keçirgen Sudaq regional Meclisiniñ reisi İlver Ametovğa 150 biñ ruble miqdarında para cezasını bermege qarar aldı.
Sentâbrniñ 27-nde Sudaqta Rusiye quvetçileri İlver Ametovnıñ evini tintti. Qırımtatar Milliy Meclisiniñ reisi Refat Çubarov bir qaç on silâlı Rusiye quvetçisi İlver Ametovnıñ evini blok etti, dep bildirgen edi.
Qırım Muhtar Cumhuriyetiniñ prokuraturası İlver Ametovğa ait binalarda keçirilgen «qanunsız tintüvler» sebebinden cinaiy tahqiqat başlattı.
Sudaqtaki tintüvlerden soñ Ametovnıñ Qırımtatar Milliy Meclisiniñ aza şeadetnamesi, müzey eksponatları, bazı vesiqalar «ekspertizağa» alındı.
Advokat Nazim Şeyhmambetovnıñ Qırım.Aqiqat mühbirine bildirgenine köre, Rusiye quvetçileri tintüvlerni Rusiye Ceza kodeksiniñ 280, 282 ve 238 maddelerine istinaden cinayetlerden şübhe bar olğanı içün «tahqiqattan evel teşkerüvi çerçivesinde» keçirdi.
Rusiye quvetçileri İlver Ametovnıñ evini endi tintken edi. Birinci tintüv 2015 senesi dekabr ayında, o, hastahanede olğanda, keçirilgen edi. Sebebi belli degil. 2017 senesi mayısında quvetçiler tekrar kelip, oğlunı tuttı.