Rusiye Devlet duması martnıñ 24-nde "Ulu Vatan cenkinde natsistler tarafından sovet halqınıñ genotsidini inkâr etüv ya da taqdir etüv ve genotsid qurbanlarınıñ hatırasını aqaretlev içün" cinaiy mesüliyet qanunını qabul etti.
Deputatlar qanun leyhasını ekinci ve soñki üçünci oquvda tasdıqladı.
Ekinci oquvğa Rusiye tışında bulunğan mezarlarda "sovet halqınıñ genotsid qurbanları defin etilgen yerlerni yoq etüv, zarar ketirüv ya da aqaretlev içün" cinaiy mesüliyet belgilegen tüzetüv kirsetildi.
Rusiye Federatsiyası Ceza kodeksiniñ bu maddeleri büyük para cezalarını ve 5 yılğa qadar apis cezasını belgilemekte.
Qanun Rusiye prezidenti tarafından imzalanğanından 10 künden soñ işke tüşürilecek.