Uçucısızlarnın Sızranğa qarşı uçucısız ücümi neticesinde eki insan elâk oldı, dep haber etti Rusiye Samara vilâyetiniñ valisi Vâçeslav Fedorişçev. Onıñ aytqanına köre, yaralanğanlar da bar.
Fedorişçev Sızranda ücüm etilgen obyektlerni aytmadı. Exilenova+ i Supernova+ Ukrayina monitoring kanalları yazğanına köre, Sızran cermay zavodı yana.
Bundan ğayrı, Supernova+ bildirgenine köre, Rusiye Ava mudafaasınıñ işi neticesinde mustaqil ev yandı.
Sızran cermay zavodı "Rosneft" cermay zavodlarınıñ Samara gruppasına kire. İlk işlevniñ leyha küçü yılda 8,5 mln tonna ola. Zavod benzin ve dizel, gemi yaqarlığı, şingen gaz ve bitum azırlay. Ukrayina akimiyeti bu müessisege bir qaç kere ücüm etti.
Rostov vilâyetiniñ yolbaşçısı Yuriy Slüsar haber etkenine köre, regionnıñ beş rayonında "otuzdan ziyade uçucısız yoq etildi". Şolohov rayonında Veşenskiy ormancılığında dron "parçaları tüşken" soñ eki orman yanğını çıqtı, ekisi de söndürildi.