Qırımda cumaaqşamı künü, iyünniñ 6-nda, boranlı yağmur yağması beklenile, dep bildire yarımadanıñ gidromettsentri.
Sinoptiklerniñ tahminlerine köre, Aqmescitte kündüz yağmur ve bora olacaq. Şimaliy-şarqiy yel süratı saniyede 7-12 metr, bazı yerlerde 15 metr olacaq.
Gece ava arareti 17…19º, kündüz 30…32º derece olacaq. Aqyarda gece şimaliy-şarqiy yel esecek, kündüz süratı saniyede 5-10 metr olacaq. Ava arareti gece 18…20º, kündüz 26…28º derece olacaq.
Qırımnıñ yalı boyunda yağmur, bora olacaq. Şimaliy-şarqiy yel süratı saniyede 7-12 metr, kündüz 15 metr olacaq. Gece ava arareti 19…21º, kündüz 27…29º derece olacaq.
Keriçte kündüz yağmur ve bora beklenile. Şimaliy-şarqiy yel süratı saniyede 6-11 metr, kündüz 14 metr olacaq.
Gece ava arareti 18…20º, kündüz 28…30º derece olacaq.
İyünniñ 5-nde Aqmescitniñ bir qaç rayonında ava yaramay edi: küçlü yağmur ve burçaq yağdı.
Yarımadağa kelgen furtunalı ava aqqında Qırımdaki Rusiye Fevqulâde vaziyetler nazirliginiñ idaresi bildirgen edi. Sinoptiklerniñ tahminlerine köre, cumaaqşamı da boranlı yağmur yağması mümkün.