Ukrayina prezidentiniñ Qırım Muhtar Cumhuriyetindeki daimiy vekili Olğa Kurışko qırımtatar akkordeoncısı Şevket Zmorkağa devlet mukâfatıı berdi. Çalğıcı "Ukrayinada nam qazanğan artist" unvanına nail oldı, dep haber ete temsilcilik Facebooktaki saifesinde.
Mukâfat 2026 senesi martnıñ 4-nde Ukrayina prezidenti Volodımır Zelenskıynıñ emrinen berildi. 2025 senesi noyabrniñ 6-na ait № 818/2025 buyruğına köre, unvan Umumukrayin medeniyet hadimleri ve halq sanatı ustazları künü munasebetinen berildi.
Müessise qayd etkenine köre, bu fahriy unvan "milliy medeniyet ve sanatnıñ inkişafınaa qoşqan issesi, büyük icadiy ğalebeleri ve yüksek zenaat ustalığı" içün berildi. Şevket Zmorkanıñ icadı "medeniy ayatıñ ve ukrayin ve qırımtatar sanatı rağbetleştirilmesinde müim parça ola".
"Şevket Zmorkağa berilgen mukâfat – qırımtatar halqınıñ teslim olmaması ve itibarı aqqında da. Böyle devlet ananesi devam eter, dep ümüt etemiz, muzıka vastasınen Qırımnı saqlağan ve populârlaştırğan yañı adlarnı keşif etip ve artistlerge qoltutıp", – dep qayd etti temsilcilik.
Bu mukâfat çalğıcınıñ yıllarnen köstergen faaliyetini ve Ukrayina medeniyet inkişafına qoşqan issesini resmiy tanuv oldı.