"Vaqıtında areket etkennimiz içün QRM, qayd etilgen topraqlarda hırsızlanğan 80-ge yaqın insannıñ taqdiri aqqında bildi. Bazılarını ya azat ettiler, ya da Rusiyeniñ apishanelerine yerleştirdiler", — dep haber ete QRM.
QRM qayd ete ki, Zaporijjâ ve Herson vilâyetleriniñ işğal etilgen topraqlarında rusiyeliler açıqtan-açıq arbiy cinayetler yapa, olarnıñ arasında zorbalıqnen alıp qaçuvlar, qanunsız evge kirüv, işkence ve öldürüvler bar.
Daa evel QMC, yılnıñ başından Qırımda 59 qanunsız tintüv qayd etilgenini, olardan 35 qırımtatarlarğa nisbeten yapılğanını bildirgen edi. Bundan da ğayrı, 2024 senesiniñ 9 ayı devamında 91 yaqalanuv qayd etildi, olardan 26-sı qırımtatarlarğa nisbeten.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.