NATO arbiy komitetiniñ yolbaşçısı, admiral Giuseppe Kavo Dragone, komitetniñ bütün vekilleri Kıyivge Ukrayinağa qol tutqanlarını tasdıqlamaq içün Orta küzniñ 6-nda kelgenini bildirdi. Bu aqta o, X içtimaiy ağında bildirdi .
Onıñ aytqanına köre, Ukrayina Silâlı quvetleriniñ baş komandanı general-mayor Mihail Drapatıy ile körüşip, Alyansnıñ şimdiki ve kelecekteki telükelerge qarşılıq köstermek azırlığını quvetleştirmek içün elde etilgen tecribe ve Ukrayinanıñ prioritetleri muzakere etildi.
Giuseppe Kavo Dragone, Kıyivde 32 arbiy temsilcisi ile beraber Ukrayina içün elâk olğanlarnıñ hatıra divarı yanında ürmet köstergenini bildirdi.
"Ukrinform" agentligi yayınlağan videoda Giuseppe Kavo Dragone, NATO arbiy komiteti sekiz yıllıq teneffüsten soñ resmiy ziyaretnen Kyivge qaytqanını qayd etti.
"Bu ziyaret, bu yılnıñ Arman ayındaki soñki subetimizde Ukrayina Silâlı Quvetleriniñ Baş Komandanı Mıhaylo Drapatıyğa bergen sözümniñ yerine ketirilmesidir", — dedi admiral.
Onıñ aytqanına köre, NATO keneşiniñ kelmesi NATO ve Ukrayina arasında bağ pekitilgenini añlata.
NATO arbiy komiteti – İttifaqnıñ eñ yüksek arbiy organıdır, arbiy siyaset, strategiya ve operativ planlaştıruvnı şekillendirüvde qarar çıqaruv rolüni oynay.