«Sarı şerit» areketi Qırım ve Rusiye işğal etken diger Ukrayina topraqlarından faaller oktâbrniñ 1-nde qayd etilgen Ukrayinanıñ erkek ve qadın imayecileri kününi tebriklernen fotoresimler derc etti.
Faallerniñ bildirgenine köre, tebrik fotoresimleri Aqmescit, Aqyar, Bağçasaray, Melitopol, Faşçevka, Geniçesk ve Energodarda yapıldı.
«Ve vaqtınca işğal etilgen Qırım, Donetsk vilâyeti, Lugansk vilâyeti, Herson ve Zaporijjâ vilâyetleri beraber qayd eteler. Bizim bir, serbest, Ukrayina kelecegimiz içün küreşken arbiyler sağ olsun», – dep yazdı fotoresimde faaller.
Fotoresimniñ kerçek olıp olmağanını teşkermek zor. Rusiye akimiyeti «Sarı şeritniñ» aktsiyalarını açıq şekilde izaatlamay.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Simeiz, Balıqlava kibi kiçik şeerlerniñ sakinleri qoşula.