İşğal etilgen Qırımda gece bir qaç rayonda patlavlar oldı, Rusiye ava mudafaası çalıştı. Bu aqta Qırım haber saifeleri bildirdi.
"Krımskiy veter" Telegram kanalı abunecileriniñ malümatına esaslanıp haber etkenine köre, Aqmescit (Sarabuz qasabası), Or Qapı ve Qarasuvbazar (Zuya qasabası) rayonlarıda eşitildi.
"Krımskiy veter" yarı geceden soñ "Gvardeyskoye" arbiy uçaq alanında patlavlar ve Rusiye ava mudafaası vastalarınıñ "qoyu ateşi" aqqında haber ete.
Aqyarda saba ava telükesi ilân etildi.
Rusiye Mudafaa nazirligi saba Rusiye regionları ve işğal etilgen Qırımda 430 ukrayin uçucısızını urdı, dep esabat berdi.
Ukrayina arbiyleri Qırımdaki adise-vaqialarnı şimdilik izaatlamadı.
Qırım.Aqiqat cenk vaziyetinde bu malümatnı mustaqil şekilde teşkerip olamay.