Çonğar köprü «tüşüngenimizden daa çoq zarar kördi», dep bildirdi Rusiye tayin etken Herson vilâyetiniñ işğal etilgen qısmınıñ yolbaşçısı Vladimir Saldo.
Onıñ aytqanına köre, yaqın 15-20 künde köpürde «tedqiqat işleri» yapılacaq, andan keçmege mümkün degil.
Qırımnıñ Rusiye naqliyat naziri Nikolay Lukaşenko Çonğar köprü bir qaç aftada ğayrıdan tiklenir, dep bildirdi.
Ukrayına prezidentiniñ Qırım Muhtar Cumhuriyetindeki temsilcisiniñ muavini Denis Çistikov Azatlıq Radiosınıñ yayınında Çonğar köprün qarşı darbeler sebebinden işğal etilgen Qırımda telâş sebebi oldı, dep bildirdi.
İyünniñ 22-nde saba işğal etilgen Ukrayına topraqlarınıñ Rusiye akimiyeti Çonğar köprüne ateş açıldı, dep bildirdi. Rusiyeliler tayin etken Herson vilâyetiniñ işğal altındaki qısmınıñ yolbaşçısı Vladimir Saldo aytqanına köre, Çonğar köprüne Storm Shadow raketalarından ateş açıldı. Rusiyeniñ Tahqiqat komiteti Çonğar köprüne dört raketadan ateş açıldı, dep bildirdi.
Qırımnıñ Rusiye akimiyeti Çonğar yönelişinden areketni Ermeni Bazar ve Perekop keçiş noqtalarına aylandırdı.
Rusiye prezidentiniñ memuriyeti Çonğar köprüne yapılğan darbeni izaatlamadı. «Mudafaa nazirliginiñ meselesidir», – dep qayd etti Dmitriy Peskov.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.