Avgustnıñ 23-nde saba Rusiye ordusı Hersonğa avadan darbeler endirdi, bunıñ neticesinde altı adam elâk oldı, dep bildirdi Herson vilâyetiniñ arbiy memuriyetiniñ yolbaşçısı Oleksandr Prokudin.
Onıñ sözlerine köre, 22 yaşındaki erkekni hastahanege alıp ketkenler, digerlerine ekimler yardım qaza yerinde köstergenler.
"Saba saat 4-lerde Rusiye arbiyleri bala bağçasına ve mesken evlerge idare etilgen ava bombalarnı attılar. Ateş neticesinde yanğın çıqtı. Onı yanğın söndüriciler tez söndürdiler", - dep bildirdi o.
Onıñ bildirgeni kibi, keçken künü Herson vilâyetide Rusiyeniñ ateşke tutmaları neticesinde bir kişi elâk olğan, daa beş yaralanğan.
Rusiye arbiyleri raketa, uçucısızları, topları yetken Ukrayına şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.