«Bu evde yaşap olurmızmı aytması qıyın» – Rustem Murasov suv basuvınıñ aqibetleri aqqında (video)

Qırımtatarı Rustem Murasov üç ay evelsi Bağçasaray rayonınıñ Albat (Kuybışevo) köyünde ev aldı. Bu vaqıt devamında tamir işlerini bitirdi ve mebel ketirip qoyacaq edi. Faqat yetiştirmedi. İyülniñ 4-nde ve 5-nde toqtamağan yağmurlar sebebinden Bağçasaray rayonınıñ bir qaç meskün yerini suv bastı. Küçlü yağanaqlar Bağçasaray rayonında tahminen 100 evni suv basmasına sebep oldı. Rustemniñ evi de zarar kördi. Suv seviyesi evde pencereniñ ortasına kele edi. Şimdi suv ketip başladı, amma Rustem bu evde yaşap olurmı-yoqmı şübhelene: «Bu evde yaşap olurmızmı aytması qıyın. Çünki bütün ev suv ve lay oldı. Qurucılar ev eñ azından qurumalı, dep ayta».