Rusiye Federatsiyası Voronej vilâyetiniñ Ostrojskiy rayonınıñ Soldatskoye köyünde silâ ve arbiy tehnika anbarına qarşı darbe Ukrayina telükesizlik hızmeti uçucısızlarınıñ işi ola. Bu malümatnı sentâbrniñ 7-nde Azatlıq Radiosına vaziyetni resmiy şekilde izaatlamağa vekâleti olmağan mahsus hızmetlerdeki menbalar bildirdi.
Al-azırda obyektte dört büyük yanğın yeri qayd etildi, silâ patlamağa devam ete. Yerli akimiyet yaqın mesken yerlerniñ sakinlerini tahliye ete.
«Ukrayina telükesizlik hızmeti Ukrayinağa yaqın Rusiye vilâyetlerinde askeriysizleştirgen alanda çalışmağa devam ete. Ukrayinadaki cenkte çalışqan arbiy uçaq alanları, silâ anbarları ve infrastruktura obyektleri qanuniy nişanlar ola», – dep bildirdi Ukrayina telükesizlik hızmetindeki menba.
Sentâbrniñ 7-ne keçer gecesi Rusiye Federatsiyasınıñ Voronej vilâyetinde avadan ücüm sebebinden silâ anbarında yanğın başladı. Vali Aleksandr Gusev dron «tapılğanını ve bastırılğanını» iddia ete, amma dronnıñ tüşmesi neticesinde «yanğın çıqıp, patlayıcı obyektlerge darqaldı ve patlav başlandı». Başta Gusev bir köyniñ sakinlerini «qomşu qasabağa» tahliye etecegini ilân etti. Amma soñra vali bir qaç köy tahliye etilecegini yazdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.