Rusiye öz topraqlarında iç bir "ğayrı adiy arbiy faaliyet" ömürge keçirilmegenini iddia ete ve aksine, Ukrainanı Donbasta "arbiy ameliyat azırlamaqta" qabaatlay. Bunıñ aqqında Azatlıq Radiosınıñ Rusiye hızmetiniñ maiyetinde olğan Ukrainanıñ talabına Rusiyeniñ cevabında yazıla.
Bundan evel Kyiv OSCE-niñ mehanizmleri vastasınen Rusiyeden sıñır yanında ve işğal etilgen Qırımda arbiy faaliyet ile bağlı malümat istedi.
Ukraina TİN yolbaşçısı Dmıtro Kuleba bir kün evel, Rusiye bu talapqa iç bir cevap bergmegeni aqqında bildirdi. Bunıñ içün Ukraina İşanç ve telükesizlik tedbirleri üzre Viyana vesiqası çerçivesinde OSCE platformasından Rusiye ile acele toplaşuvnıñ keçirilmesini istedi.
Azatlıq Radiosınıñ rus hızmetiniñ fevralniñ 14-nde alıntılağan vesiqada, Qırım ile bağlı "qızıştırıcı beyanatlar" olğanı içün Rusiyeniñ Ukrainanıñ talabını red etmek içün "bütün esasları" bar, dep yazıla.
Daa vesiqada qyd etile ki, Rusiye "öz topraqlarından ğayrı adiy arbiy faaliyet köstermegeni" ve buña köre de Viyana vesiqasınıñ maddeleri qullanıla bilmez. Ukrainanıñ talabı, "Ukrainanıñ içindeki çatışmanıñ küç yolu ile çezilmesinden diqqatnı çekme" adlandırılğan.
Ukraina başlıqları, Donbasta ve diger yerlerde iç bir arbiy ameliyatlar planlaştırılmağanı aqqında defalarca bildirgen edi.