Rusiyeniñ Samara vilâyetindeki Novosemeykino şeerinde Wildberries anbarında eki kün devam etken yanğın aqibetleriniñ uydu resmini Azatlıq Radiosı derc ete.
Onıñ esaplarına köre, Leningrad vilâyetinde şirketniñ anbarına bugünki ücümnen beraber, Ukrayina endi 16 Wildberries obyektini yoq etti ya da zararladı.
Armannıñ 2-nde Rusiyeniñ Samara vilâyetinde Wildberries şirketine dronlar ücüm etti. RWB (Wildberries & Russ) birleşken şirketiniñ matbuat hızmeti Samara vilâyetinde logistika obyektinde ücüm sebebinden yanğın çıqqanını bildirgen edi.
Rusiyeniñ logistika obyektlerine ücümler Oraqnıñ 18-nden berli devam ete. Vladimir, Samara, Volgograd ve Leningrad vilâyetleriniñ anbarları ücümge oğradı.
Kütleviy haber vastalarınıñ malümatına köre, Wildberries bazarından soñ, Rusiyeniñ diger ticaret meydançıqları satıcılarnen añlaşmalarnı deñiştirmege başladılar. Endi olar anbar ücümleri vaqtında yoq etilgen mallarnıñ fiyatını tazmin etmeycekler.
Wildberries şirketi añlaşmalarnı deñiştirmege başlağan edi, bu onıñ teminlev merkezlerine ücümlerden 10 kün evel oldı. Platforma öz qaidelerini Oraqnıñ 7-nde yañarttı.