Rusiyeniñ Mudafaa nazirligi saban ayınıñ 27-ne keçken gecesi 85 Ukrayin dronunı yoq etkenini bildirdi. Ava mudafaasu sistemi Rusiye Federatsiyasınıñ sekiz bölgesi üzerinde, işğal etilgen Qırım ve Qara deñiz territoriyası üzerinde de çalıştı
Leningrad vilâyetiniñ gubernatoru Aleksandr Drozdenko bölge üzerinde 36 dron urulıp tüşürilgenini haber etti. "KiberBoroşno" ve Exilenova+ Ukrayin Telegram kanalları bir gece içinde Ust-Luga ve Primorsk neft limanları tekrar urulğanını idda eteler. "Krımskiy veter" satellit resimlerine atıf etip, obyektlerde "kuçlü yanğınlar" çıqqanı aqqında haber ete.
Ukrayina ordusı bu künleri endi bu eki limanğa ücüm etken edi. Ukrayina silâlı quvetleriniñ Baş ştabı ücümlerni tasdıqladı.
Reutersniñ malümatına köre, Ukrayin dronlarınıñ ücümleri, tankerlerniñ qaçırılması ve "Drujba" boru yolunıñ qapatılğanı neticesinde Rusiyeniñ neft eksportı quvetiniñ eñ azdan 40 fayızı çalışmadan qaldı. Bu ise künde tahminen eki million barrelge teñ kele.