Ukrayina millet vekili, qırımtatar halqı lideri Mustafa Cemilev, Qırımnıñ Rusiye parçası kibi tanılması bütün dünya içün menfiy neticelerge sebep olur ve qırımtatarlarnı keleceklerinden marum eter, dep saya.
"Bugünde bazı temsilcilerniñ aytmağa tırışqanı kibi Qırımnıñ "rusiye" parçası kibi tanılması, qırımtatarlarnı kelecekten marum etecek ve olarnı yoq olmağa mahküm etecek", - dedi Cemilev.
Qırımtatar halqı lideri bugün keçirilgen "Qırım Wave" forumınıñ iştirakçilerine video bağ kanalları vastasınen muracaat etti.
Cemilevniñ fikrince, Rusiyeniñ Qırım aqqınıñ faraziy şekilde tanılması Ukrayina ve bütün dünya toplulığı içün bir sıra menfiy neticelerge yol açacaq.
"Bu alda Ukrayina deñizge çıqışını ğayıp etecek ve bular iqtisadiy zararlar. Qırımda yaratılğan arbiy baza Rusiyeniñ mağlübiyetten özüne kelgen soñ nevbetteki tecavuz içün temel olacaq. Bu telükesizlik içün havftır. Özek silâsı pek tez darqalacaq. Avropa ve Ğarp memleketleri nufuzını coyacaq. Ve bu dünya nizamı içün büyük zarardır. "Rusiye Qırımı" taqdirinde iç kimse içün iç bir kelecek yoq. Ayrıca Rusiyeniñ bir parçası olaraq qırımtatarlarnıñ kelecegi yoq", - dedi Cemilev,
Cemilev, Qırımtatar Milliy Meclisi Ukrayina akimiyeti ile beraber işğalden azat etilgen soñ Qırımda kerçekleştirilecek birinci nevbette turğan tedbirler planını faal olaraq azırlağanını bildirdi.
Aprelniñ 25-nde Kıyivde siyasiy, iqtisadiy, medeniy ve malümat ekspertleri Rusiye işğali altındaki yarımadanıñ azat etilmesi ve reintegratsiyasında gençlerniñ emiyetini muzakere eteler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.