Ukrayina ordusı Rusiyeniñ Samara vilâyetinde "Novokuybişev neft istisal zavodı" şirketine ücüm etti. Bu aqta Exilenova+ ve Supernova+ Ukrayin monitoring telegram kanalları haber etti. Astra talilcisi şirkette yanğın olğanını tasdıqladı.
İnternette derc etilgen fotoresimler ve videolarda, zavodnıñ üstünde bir qaç tütün sütüni köterilgenini körmek mümkün.
Astra haber etkenine köre, Novokuybışev sakinleri ava telükesi olmağanından şikâyet ete ve Samara vilâyeti gubernatorı Vyaçeslav Fedorışevniñ bildirüvi ücüm başlağanından aman-aman eki saat keçken soñ peyda oldı, dep bildire.
Novokuybışev neft istisal zavodı "Rosneft" şirketleriniñ Samara gruppasına kire. Şirketniñ saytında aytıla ki, o, Volga boyu eñ büyük cermay zavodlarından biridir. Onıñ quveti yılda tahminen 8,8 million tonna neft teşkil ete, anda 20-30 çeşit neft mahsulatı, şu cümleden arbiy maqsatlarda qullanılğan reaksion yaqıt işlep çıqarıla. Ukrayina bu zavodqa bir qaç kere ücüm etken edi.
Rusiye regionınıñ akimiyeti Novokuybışevdeki ücümniñ aqibetlerini şimdilik izaatlamadı.