Rusiyede yerli akimiyet Voronej şeerine uçucısızlar ücüm etti, dep bildirdi.
Voronej vilâyetiniñ valisi Aleksandr Güsevniñ Telegramda yazğanına köre, ücüm neticesinde çoq daireli evlerden birinde balkon yanğını çıqtı, daa bir qaç evninh camları qırıldı.
Onıñ aytqanına köre, «tüşürilgen uçucısız parçalarınıñ dairege tüşmesi neticesinde» bala tibbiy yardımğa muhtac oldı – qol, ayaq ve boynu yaralandı. Tibbiy yardım kösterildi.
Voronej şeer yolbaşçısı Vadim Kstenin bildirgenine köre, «gece ücümi» neticesinde beş mesken evniñ camları zarar kördi, «operativ qararlarnıñ alınması içün şeerde fevqulâde vaziyet ilân etildi».
Rusiye Mudafaa nazirligi Voronej vilâyetinde «beş Ukrayına uçucısızı yoq etildi ve üçü qayd etildi», Belgorod vilâyetinde de dört uçucısız «qayd etildi», dep bildirdi.
Muarririyet bu malümatnı mustaqil şekilde teşkerip olamay.
Moskva dron ücümlerinde Kyivni qabaatlay. Ukrayına bu qabaatlavlarnı izaatlamay.
Rusiyeniñ Ukrayınağa qarşı büyük istilâsınıñ ekinci yılında Rusiye regionları – em sıñırdaki, em Ukrayınadan uzaq regionlar – ateşlerge oğray, yaralanğanlar ve yıqılğan binalar yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.