Rostov-na-Donu şeerindeki Rusiye Federatsiyasınıñ Cenübiy bölgesiniñ arbiy mahkemesi 67 yaşındaki Qırımlı faal Oleğ Prihodkonı "terrorizmge yardım etüv" ve "devlet hainligine suiqast etüv" qabaatlarınen 18 yıl 6 ayğa apiske mahküm etti. 2019 senesinden berli Rusiye apisinde bulunğan Qırımlı içün bu dörtünci qabaatlavdır, dep haber ete "Mediazona" Rusiye mahkemesiniñ matbuat hızmetine atıf eterek.
Rusiye FSB-siniñ malümatına köre, Prıhodko Krasnodar territoriyasındaki 2-nci ceza cezahanesinde evelki cezasını keçirgende, dersiñ başqa mabüslerge Rusiye Mudafaa Nazirliginen muqavele imzalamaq, soñra "Ukrayinağa cenkke ketmek ve cebede olğanda, komandanlarını atıp öldürip, Ukrayin tarafına teslim olmaq"nı teklif etken.
Neşirniñ qayd etkenine köre, qabaatlav malümatı anonim mabüsniñ şaatlığına esaslana eken. O, Prihodko onı "Vatan ögünde qabaatını ödemek içün" cenkke ketmekten vazgeçtirmege tırışqanını iddia ete.
Evel, 2026 senesi Çeçekte, "Mediazona" Rusiye Federatsiyasınıñ Cenübiy bölgesinñ arbiy mahkemesine Prihodkoğa qarşı yañı cinaiy dava kelgenini bildirgen edi.
Oleğ Prıhodko 2019 senesi Orta küzniñ 10-da apiske alındı, Rusiye FSB onı terakt azırlavda ve patlayıcı maddelerni qanunsız yapuvda qabaatladı.