Qırımda mahküm etilgen Ukrayina tarafdarı faal Oleg Prıhodkonı Rusiye apishanesinden daa uzaq memleketke avuştırmağa planlaştıralar. Onıñ yanında işğal etilgen topraqlardan bir qaç ukrayinalı mabüs de bar. Bu aqta "Suspilne Krım" yayınlayıcısına siyasiy mabüsniñ qızı Natalya Şvetsovnıñ bildirdi.
''Noyabrniñ 8-nde oña daa 4,5 yıl qoştılar. Şimdi muracaat, ve muracaattan soñ, ğaliba, birden bir yerge, bilmeyim, anda, Uralğa, bir bataqlıqqa. Biz bir şey yapıp olamaymız. Advokatnı tuttıq. Biz rus advokatını tuttıq. O kelip burunını burdı ve ketti'', - dep ayttı o.
Al-azırda Pıihodko Krasnodarnıñ SİZO-1-nde buluna. Onıñnen beraber kamerada daa 29 insan bar, anda 20 yataq bar. Tutulğanlar nevbetnen yuqlay ve er vaqıt hastalanalar. Bir ay içinde Prıhodko eki kere hastalandı, tibbiy yardım ise yoq.
''Biz iç bir şey yapıp olamaymız. İlaçlarnı yollap olamaymız, paketlerimiz bile qabul etilmey. Yollanmalarımız qabul etilmey, çünki onı daa soñra yollamağa planlaştıralar, şunıñ içün yollanma qabul etilmey. 20 kilogrammlıq paketni yolladıq, ve o da keri qayttı", - dep qayd etti qızı.
Oleg Prıhodko 2019 senesi oktâbrniñ 10-nda tutuldı. Rusiye FSBsi onı terroristik areketke azırlıq körgeninde ve patlayıcı maddelerni qanunsız azırlağanında qabaatladı.
2021 senesi martnıñ 3-nde Rusiyeniñ Rostov-na-Donu şeerindeki Cenübiy okrugınıñ arbiy mahkemesi Prıhodkoğa üküm çıqardı. Onı 5 yılğa üküm etkenler.
«Memorial» aq qorçalayıcı merkezi Oleg Prıhodkonı siyasiy mabüs dep tanıdı.
2022 senesi yanvarniñ 19-nda Oleg Prıhodkonıñ qızı Qırım.Aqiqatqa tarif etkenine köre, Rusiye apsinde babasına qarşı işkence yapıla». Qırım.Aqiqat Rusiyeniñ Cezalarnı yerine ketirüv federal hızmetine muracaat etip, Oleg Prıhodkonıñ sağlıq vaziyeti aqqında soradı, amma cevap alamadı.
2021 senesi oktâbr ayında advokat Sergey Legostov Prıhodkonen körüşken soñ Rusiye koloniyasında qırımlığa «pek sert yanaşalar», dep bildirdi. Prıhodkonıñ tuvğanları Qırım.Aqiqtqa Rusiye koloniyasında Olegniñ ayaq problemleri başladı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.