Rusiye mahkemesi tarafından mahküm etilgen Ukrayinalı faal, Qırımlı Oleg Prıhodkonı kene Rusiyede mahkeme etecekler etecekler, dep bildire "Mediazona" Rusiye Cenübiy okrugınıñ arbiy mahkemesiniñ iş kartına atıf etip.
O, terror faaliyetine yardım etüv ve devletke qarşılıq kösterüv maddelerine istinaden qabaatlana, bu maddeler ömür boyu apis cezasını közde tuta.
Yañı cinaiy davanıñ sebebi daa bir kere mabüslerniñ qabaatlavları oldı, dep yaza "Mediazona". Prıhodko, Rusiye ordusınıñ terkibinde Ukrayinağa qarşı cenkleşmege niyetlengenlerge Ukrayina Silâlı quvetleriniñ esirlerine teslim olmaqnı teklif etken.
Oleg Prihodko 2019 senesi Orta küzniñ 10-unda tutuldı. Rusiye FSB-si onı terroristik areketke azırlıq körgeninde ve patlayıcı maddelerni qanunsız azırlağanında qabaatladı.
2021 senesi Sabannıñ 3-nde Rusiyeniñ Rostov-na-Donu şeerindeki Cenübiy okrugınıñ arbiy mahkemesi ükmü çıqardı. O, 5 yıl apis cezasına mahküm etildi.
"Memorial" aq qorçalayıcı merkezi Oleg Prıhodkonı siyasiy mabüs olaraq tanıdı.
2023 senesi Boşta Rusiye mahkemesi Prihodkonı daa eki yañı qabaatlav boyunca dört buçuq yıl apis cezasına mahküm etti.