Aq qorçalayıcılar tarafından siyasiy mabüs olaraq tanılğan eñ genç qırımtatar Appaz Kurtametniñ anası Ayşe Kurtamet oraq ayınıñ 9-nda Avropa parlamentiniñ binası yanında aktsiya keçirdi. O, Rusiye tarafından işğal etilgen Qırımda qırımtatar halqına qarşı kütleviy basqılarğa halqara toplulıqnı cevabını, siyasiy mabüslerniñ, şu cümleden onıñ tuvğanlarınıñ azat etilmesini talap ete.
"Men bir özüm küreşem, bütün qorantam apiste ve maña yardım kerek", — dep ayttı Ayşe Krutamet.
Your browser doesn’t support HTML5
«Вся моя семья в заключении» – мать самого молодого крымскотатарского политзаключённого
“Bu taqip bütün ailege basqı, çünki bir yıl soñra babasını da aynı şekilde alıp kettiler, onı da işkencege oğrattılar, onı da Ukrayina tarafdarı olğanını ögrenmege tırıştılar. Neticede onı apiske aldılar ve aynı maddege istinaden sekiz yılğa mahküm ettiler", — dep tarif etti Ayşe Kurtamet.
Ayşe Kurtamet Belçikadaki Vetan-Crimea qırımtatar birleşmesinen beraber Avropa institutlarını Rusiyege qarşı basqını quvetleştirmege, bütün siyasiy mabüslerniñ azat etilmesine irişmege ve halqara gumanitar teşkilâtlarnıñ işğal etilgen Qırımğa kirişini talap etmege çağıra.
2023 senesi çeçek ayınıñ 20-nde Rusiye qurğan Aqmescitniñ Kiyev rayon mahkemesi 2022 senesi iyul ayında Herson vilâyetindeki memuriy sıñırda hırsızlanğan qırımtatarı Appaz Kurtametni "Qırım" göñülli batalyonına maddiy yardım köstergen iddiası ile 7 yıl apis cezasına mahküm etti.
2023 senesi arman ayınıñ 29-nda Rusiye kontrolindeki Qırım Yuqarı mahkemesi Appaz Kurtametniñ ükmüni deñiştirmedi.
Qırımtatar faali Elmaz Qırımlınıñ Facebookta yazğanına köre, Rusiye tahqiqatınıñ versiyasına köre, Kurtamet daa soñra bilgenine köre, "Qırım" batalyonında hızmet etken bir dostuna 500 ğrıvnâ bergen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.