Rusiyeniñ cenübinde dronlarnıñ ücümlerinden soñ Wildberries onlayn bazarınıñ eki logistika merkezi yana – Stavropol, Krasnodar ve Nevinnomıssk şeerlerinde, dep haber eteler Telegram monitoring kanallarında.
"Oraqnıñ 22 gecesi şaatlar Krasnodar şeer civarında Ukrayin gece ücüminden soñki vaqialarnıñ kadrlarını yerleştirdiler. Kadrlarğa atıf eterek, Astra Krasnodar şeerindeki Tihoretskaya soqağında yerleşken Wildberries anbarında büyük yanğın başlanğanını bildirdi", — dep haber etile.
Buña oşağan kadrlarnı Exilenova+ Ukrayin kanalları da derc ete.
Krasnodar ülkesiniñ operativ gruppası dronlarnıñ anbarğa ücüminden soñ üç adam yaralanğanı aqqında haber etti.
Stavropol ülkesiniñ Nevinnomisk şeerinde mesken olmağan binada olğan büyük yanğınnıñ kadrlarını şaatlar da derc eteler. "Eksilenova+" kanalı bu vaqiada da Wildberries anbarı zarar körgenini idda ete.
Rusiyeniñ cenübindeki Armavir şeerinde neft anbarına ücüm etilgeni aqqında haberler de bar.
Ukrayina tarafı Rusiyege, hususan Wildberries logistika merkezlerine qarşı yañı ücümler aqqında haberler aqqında daa fikir bildirmedi.