ABD prezidenti Jo Bayden, Rusiye "Ukrayinanı yer yüzünden yoq etmege tırışa", dep bildirdi, amma Rusiye cenkte ğalebe qazanmaycağından emin.
"Ukrayina Putinni toqtata bile, hususan da bizim tam bir kollektiv destegimiz ile. Olarğa bütünley qol tutamız", — dedi Bayden ABD-de NATO sammitiniñ birinci künü.
Amerika lideri, bugün NATO "tarihta iç bir vaqıt olmağan derecede küçlüdir", dep qoştı.
"Bu saçma-sapan cenk başlağanda, Ukrayina serbest bir memleket edi. Bugün de o serbest bir devlettir. Ve cenk bitken soñ Ukrayina serbest ve mustaqil bir devlet olaraq qalacaq. Rusiye yeñip olamaz. Ukrayina yeñecek", — dep qayd etti siyasetçi.
Bundan da ğayrı, Bayden Ukrayinağa ava mudafaası sistemaları berilecek, dep ayttı.
9-11 июля в Вашингтоне проходит саммит НАТО. Вопросы сдерживания агрессии России и поддержки Украины являются одними из главных на собрании, которое Альянс проводит в 75-й год от своего создания.
İyül 9-11 künleri Vaşingtonda NATO sammitı keçirile. Rusiyeniñ istilâsını toqtatmaq ve Ukrainağa qol tutmaq meseleleri Alyansnıñ 75-inci yılına bağışlanğan toplaşuvda eñ müim meselelerden biri ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.