Rusiye ordusı gece işğal etilgen Qırımdan Ukrayinağa "İskander-M" ballistik raketasını ve 172 darbe uçucısızını uçurdı, dep haber ete Ukrayina Silâlı quvetleri Ava küçleriniñ komandanlığı aprelniñ 17-nde saba.
Onıñ malümatına köre, dronlar Rusiyede Brânsk, Kursk, Orel, Millerovo, Primorsko-Ahtarsk ve Qırımdaki Sarabuz qasabasından uçurıldı.
"İlk malümatqa köre, saat 08:00-ge qadar ava mudafaası memleketniñ şimali, cenübi ve şarqında Shahed, Gerber, Italmas ve diger dronlar olğan 147 duşman uçucısızını urdı/bastırdı", – dep aytıla haberde.
Ukrayina arbiyleri sekiz yerde ballistik raketa ve 20 darbe dronınıñ tüşkenini ve dört yerde parçalarnıñ tüşkenini qayd etti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.