Rusiye ordusı martnıñ 4-ne keçer gecesi Ukrayinağa 149 darbe dronınen ücüm etti, dep haber ete Ukrayina Silâlı quvetleri Ava küçleriniñ komandanlığı.
Ukrayina arbiyleriniñ malümatına köre, Shahed, "Gerber", "İtalmas" ve diger dronlar Brânsk, Kursk, Millerovo, Primorsko-Ahtarsk ve işğal etilgen Qırımdaki Sarabuzdan uçurıldı.
İlk malümatqa köre, Ukrayina ava mudafaasınıñ quvetleri memleketniñ şimali, cenübi ve şarqında 129 Rusiye uçucısızını urdı ya da tüşürdi.
"15 yerde 19 darbe uçucısızınıñ ücüm qayd etildi, bir yerde tüşken parçalar bar", – dep haber ete Ukrayina komandanlığı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.