Ava mudafaası, gece Rusiye tarafından Ukrayinağa ücüm etilgen üç İskander-M/S-400 ballistik raketasını ve çeşit 129 dronnı yoq etti, dep bildire Ukrayina Silâlı quvetleriniñ Ava quvetleri.
Ukrayina arbiyleri 15 yerde beş İskander-M/S-400 ballistik raketasınıñ, X-31P radar qarşı raketasınıñ ve 16 ücüm pilotsız uçağınıñ urulmasını, 7 yerde urulıp tüşürilgenler raketalarnıñ parçalarınıñ tüşmesini qayd etti.
Ukrayina Silâlı quvetleriniñ Ava quvetleriniñ malümatına köre, Oraqnıñ 16-na keçer gecesi duşman Rusiye Federatsiyasınıñ Brânsk vilâyetinden 8 "İskander-M" /S-400 ballistik raketası, Qara deñizden 4 X-22/32 qanatlı raketası, X-31P 146 radar qarşı raketası ve Shahed tipindeki dronlarnen ücüm etti.
Kıyiv ve Harkiv gece Rusiye ücümine oğradı, dep bildire yerli akimiyet.
Kıyiv şeer başı Vitaliy Kliçhkonıñ malümatına köre, Kıyevde Rusiye ücüminiñ neticesinde eki insan elâk olğan, daa altı kişi yaralanğan.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.