Rusiye arbiyleri dekabrniñ 24-ne keçer gecesi Ukrayinağa 116 darbe uçucısızınen ücüm etti, 90-dan ziyadesi – "şahedler", dep haber etti Ukrayina Silâlı quvetleriniñ Ava küçleri. Dronlar Rusiyede beş yönelişten ve Rusiye işğal etken Qırımnıñ Sarabuz (Gvardeyskoye) qasabasından uçurıldı.
"İlk malümatqa köre, saat 08:30-ğa qadar ava mudafaası memleketniñ şimali, cenübi ve şarqında Shahed, Gerber ve diger uçucısızlar olğan 60 duşman uçucısızını urdı/bastırdı", – dep aytıla haberde.
Ukrayina Ava küçleriniñ malümatına köre, 19 yerde 48 darbe uçucısızınıñ ücümi qayd etildi.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.