Rusiye ordusı gece Ukrayinağa 150 ava ücüm vastasını uçurdı, dep bildirdi Ukrayina Silâlı quvetleriniñ Ava küçleri noyabrniñ 3-nde saba.
Arbiyler Rusiye darbelerini qayd etti:
- Lipetsk vilâyetinden 3 X-47M2 “Kinjal” aeroballistika raketası;
- İşğal etilgen Qırımdan 4 “İskander-M” ballistik raketası;
- Kursk vilâyetinden 5 C-300/C-400 zenit raketası;
- Kursk, Millerovo, Orel ve Primorsko-Ahtarsktan 138 Shahed, “Gerber” ve diger darbe uçucısızlarınen. Tahminen 80-i – “Şahedler”.
“İlk malümatqa köre, saat 08:30-ğa qadar, ava mudafaası memleketniñ şimali, cenübi ve şarqında X47M2 “Kinjal” aeroballistik raketası ve duşmannıñ 115 Shahed, Gerber ve diger dronlarını urdı/bastırdı”, – dep aytıla haberde.
Komandanlıq 11 yerde raketa darbelerini ve 20 darbe uçucısızınıñ ücümlerini qayd etti.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.