Rusiye arbiyleri martnıñ 20-ne keçer gecesi Rusiyedeki altı yönelişten ve işğal etilgen Qırımda Sarabuz qasabası ve Çavda burnundan Ukrayinağa 156 darbe uçucısızınen ücüm etti, dep haber etti Ukrayina Silâlı quvetleriniñ Ava küçleri.
"İlk malümatqa köre, saat 08:00-ğa qadar ava mudafaası 133 duşman uçucısızını urdı/bastırdı", – dep aytıla haberde.
Ukrayina Silâlı quvetleriniñ Ava küçleriniñ malümatına köre, 13 yerde 19 darbe uçucısızınıñ tüşkeni, yedi yerde ise parçalarnıñ tüşkeni qayd etildi.
Rusiye Mudafaa nazirligi ücümni şimdilik izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.