Aprelniñ 21-ne keçer gecesi Rusiye arbiyleri Ukrayinağa Kursk vilâyetinden "İskander-M" eki ballistik raketası ve Rusiyeniñ beş yönelişinden, işğal etilgen Donetskten ve Rusiye işğal etken Qırımnıñ Sarabuz qasabasından 143 darbe uçucısızınen ücüm etti, tahminen 80-i "Şahed" edi, dep bildire Ukrayina Silâlı quvetleriniñ Ava küçleri.
"İlk malümatqa köre, saat 08:00-ge qadar ava mudafaası memleketniñ şimali, cenübi ve şarqınndda 116 Shahed, Gerber, Italmas ve diger dronlar olğan duşman uçucısızını bastırdı ya da urdı. 17 yerde 22 darbe uçucısızınıñ ücümi qayd etildi, 7 yerde tüşürilgen parçalar bar", – dep aytıla haberde.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.