Çeçek ayınıñ 9-na keçer gecesi Rusiye ordusı çeşit uçucısız uçaqnen ücüm etti, olarnıñ arasında 70-ke yaqın "Şahed" edi. Bir qısmı Qırımdaki Sarabuz qasabasından uçurıldı, dep haber ete Ukrayina Silâlı Quvetleriniñ Ava quvetleri.
İlk malümatqa köre, saat 08:00-ga qadar ava mudafaası memleketniñ şimalinde, cenübinde ve şarqında 99 Rusiye dronını yoq etti.
Ukrayina arbiyleri 11 yerde 16 patlayıcı uçucısız tüşkenini ve dört yerde tüşken parçalarnı qayd etti.
Odesa vilâyetiniñ akimiyeti Rusiye quvetleriniñ vilâyetke nevbetteki ücümi aqqında bildirdi. Berilgen malümatına köre, kritik infrastruktura obyekti zarar kördi. İnsanlar yaralanmadı. Dnipropetrovsk vilâyetinde Rusiye ücüminden eki insan zarar kördi.
Ukrayina Silâlı quvteleri Ava küçleriniñ malümatına köre, Rusiye Ukrayinağa 176 uçucısıznen ücüm etti, 146-sı tüşürildi. 24 darbe dronınıñ ücümi qayd etildi, dep aytıla haberde.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.