Qara qış ayınıñ 2-ne keçken gecesi Rusiye quvetleri Ukrayinağa 116 ücüm dronunen ücüm ettiler, olardan tahminen 70-i "şahedler" edi, dep haber eteler Ukrayina aviasiyası. Dronlar Rusiyedeki altı taraftan, em de Rusiyege işğal etken Qırımdaki Çauda burnu ve Sarabuz köyünden uçurıldı.
"Evelki malümatqa köre, saat 08:30 avadan mudafaa quverleri memleketniñ şimalinde, cenübinde ve şarqında duşmannıñ "Şahed", "Gerber" ve diger çeşitlerinden 86 dronnı urıp tüşürdiler ya da bastırdılar", — dep qayd etile beyanatta.
Ukrayina aviasiyası 23 yerde 27 ücüm dronunıñ uruluvını qayd etti.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.