Ukrayina ordusı gece Rusiye Ukrayinağa ücüm etken 50 darbe dronını urıp tüşürdi, dep haber ete Ukrayina Silâlı Quvetleriniñ Ava küçleri Telegramında.
Haberge köre, saat 08:30-ğa qadar Kyiv, Sumı, Odesa, Herson, Mıkolayıv, Jitomır, Çerkası, Çerniğiv ve Kirovograd vilâyetlerinde 50 uçucısıznıñ urıp tüşürilgeni tasdıqlandı. Ukrayinanıñ çeşit regionlarında daa 27 dron ğayıp oldı.
Umumen, Ukrayina Silâlı Quvetleriniñ Ava Küçleri malümatına köre, noyabrniñ 4-ne keçer gecesi Rusiye arbiyleri Dnipropetrovsk vilâyetine «İskander-M» ballistik raketasınen, Harkiv vilâyetine idare etilgen bombalarnen ücüm ettiler ve 80 «Şahed» ücüm uçucısızını attılar ve bütün Ukrayina boyunca Brânsk ve Kursk Primorsko-Ahtarsk - Rusiye Federatsiyası yönelişlerinde belli olmağan dronlarnen.
Rusiye arbiyleri çeşit silâlardan muntazam sürette ukrayin regionlarına ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturalarına, vatandaş ealisini öldürgenine ve hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.