Rusiyede Ukrayinağa qarşı büyük istilâ başlağanından berli eñ az 69 insan apiste, tintüv vaqtında, ev apsinde ya da azatlıqqa çıqqan soñ can berdi. Bu malümatnı "Siyasiy mabüslerge yardım. Memorial" aq qorçalayıcı merkezi bildire.
Elâk olğanlar arasında – 63 er adam ve altı qadın. Dördü 2022 senesi elâk oldı, on kişi 2023 senesi, 26 insan 2024 senesi, 13 insan 2025 kişi ve 16 kişi 2026 senesi.
69 insandan eñ az 29-ı hastalıqlardan ya da tibbiy yardım alamağanından can berdi. Bazıları alları yaramay olğanını açıq bildirgen edi, amma muracaatlarına qulaq asılmay edi.
Eñ az 20 kişi kötek, işkence ya da aqibetlerinden elâk oldı. On insannıñ özüni öldürgeni tahmin etile. Bir insan ilân etken narazılıq açlığı neticesinde can berdi ve bir kişi koloniyada öldürildi.
Daa sekiz insan – Aleksandr Perov, Dmitriy Polunin, Oleg Pronko, Roman Zarovnâyev, Vladimir Udovika, Aleksandr Markov, Rustam Halikov ve Nikolay Popovnıñ – ölüm sebepleri belli degil.
Elâk olğan eñ yaş mabüsler – işğal etilgen Melitopolden 2023 senesi avgust ayında Rusiye uquq qoruyıcıları tarafından hırsızlanğan 18 yaşında Daniil Dahov ve Pavel Grimak. Eñ esli-başlı mabüs – Valeriy Mitko, 81 yaşında hastalığı neticesinde vefat etti.
Elâk olğanlarnıñ orta ölüm yaşı – 51.