Rusiye ve Ukrayina "160-qa 160" formulası boyunca daa bir cenk esirleri deñişüvini kerçekleştirdi. Bu aqta Rusiye Mudafaa nazirligi haber etti.
Müessise malümatına köre, qaytarılğan Rusiye arbiylerini deñişüvden soñ Beyazrusiyege yolladılar. Olarnı Mudafaa nazirliginiñ tibbiy müessiselerinde tedaviylenmeleri ve reabilitatsiyadan keçmeleri içün Rusiyege alıp ketecekler.
Deñişüvniñ aracısı Birleşken Arap Emirlikleri oldı.
Ukrayina prezidenti Volodımır Zelenskıy deñişüv olğanını tasdıqladı.
Ukrayina ve Rusiye arasında bundan evel esir deñişüvi iyünniñ 5-nde oldı. O vaqıt Ukrayina 185 ukrayin arbiyini ve 2022 senesinden berli rusiyeliler tutqan bir adiy vatandaşnı Rusiye esirliginden qaytarıp oldı.
İyünniñ 4-nde Zelenskıy Rusiye prezidenti Vladimir Putinge açıq mektübini aydınlatıp, "körüşüv kününi" belgilemege teklif etti ve Ukrayina "er kesni er keske" esir deñişüvine azır, dep qayd etti. Amma o, muzakere keçirmek teklifini red etti.
Martnıñ 26-nda Cenk esirlerine munasebet meseleleri koordinatsion ştabı quruluvınıñ dördünci yılında yapqan muracaatında Zelenskıy dört yıl içinde 8669 Ukrayina vatandaşını – arbiy ve adiy insanlarnı qaytarıp oldı, dep bildirdi.