Rusiyeniñ Ukrainada sabotaj ve iç istiqrarnı bozmaq planları azır. Bunı yanvarnıñ 11-nde brifing vaqtında ABD devlet kâtibiniñ muavini Viktoriya Nuland bildirdi.
"Bir şeyden bu buhrannı yaratqan Rusiyedir. Ukraina sıñırlarında 100 biñ arbiy toplağan Ruviyedir. İç sabotaj, istiqrarnı bozmaq ve yabancı bayraq altında areketler variantlarınını azırlağan Rusiyedir. Öz areketlerini aqlamaq içün Ukraina, ABD ve NATO aqqında sahte ve yalan malümat tarqatqan Rusiyedir", - dedi Nuland.
O qayd etti ki, tecavuzcı Rusiyedir, Ukraina ise Moskvanı tehdit etmek niyettinde olmağanı bildirdi. Onıñ sözlerine köre, NATO da Rusiye içün telüke degil.
O, Moskvanıñ kelecek qarşıturma yerine diplomatiyanı saylaycağına ümüt etkenini bildirdi. Akis alda, Nulandnıñ sözlerine köre, ABD sanktsiyalar qoymaq niyetindedir.
"Eger Rusiye ükümeti Ukrainağa istilâ etse, Ukrainada istiqrarnı bozsa, biz sanktsiyalar qoymağa azırmım, ortaqlarımznen de endi keliştik. Biz buña keñişmıqyaslı iqtisadiy tedbirler, hususan evel qullanılmağan sanktsiyalar qoymaq ve Rusiyeniñ iqtisadiyatına ve maliye sistemasına pek ciddiy darbe endirmek azırmız", - dep qayd etti Nuland.
Yanvarnıñ 12-nde Brükselde Rusiye-NATO Şurasınıñ oturışı keçirilecek. Sebep Moskvanıñ "telükesizlik kefaleti" talapları ve Kremlniñ Ukraina sıñırları yanında ordu toplaması oldı.