Rusiye Mudafaa nazirligi Rusiyeniñ Tver ve Kaluga vilâyetlerinde «gece uçucısızlarnıñ ücümi» ve ava mudafaa sistemasınıñ işi aqqında bildirdi. Anda «eki dron urıp tüşürilgen» eken, dep haber ete müessiseniñ matbuat hızmeti sentâbrniñ 16-nda saba.
Berilgen malümatqa köre, ücüm ıntıluvına mania yapılğan, eki uçaq çeşiti uçucısız qullanılğan eken. Rusiye Mudafaa nazirligi kene Ukrayına silâlı quvetlerini qabaatladı.
«Nevbetçi ava mudafaa vastaları Kaluga ve Tver vilâyetlerinde Ukrayına uçucısızlarını yoq etti», – dep bildire Rusiye nazirligi.
Zarar körgen bina ya da obyektler ve diger tafsilâtlarnı Rusiye Mudafaa nazirligi aydınlatmay.
Kyiv bunı izaatlamadı.
Rusiyeniñ paytahtı Moskva, Ukrayınanen sıñırı olğan Belgorod, Brânsk ve Kursk vilâyetleri soñki vaqıtları uçucısızlarnıñ ücümlerine oğray. Ukrayına tarafı bunı izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.