Canköyde Rusiye Taqiqat komitetiniñ arbiy tahqiqat bölüginiñ Rusiye tahqiqatçıları "Qırım musulmanları davasınıñ" "ekinci Janköy gruppasınıñ" mabüslerine qarşı tahqiqatnıñ qanunsız usulları aqqında haberni teşkerecekler.
Bu aqta "Qırım birdemligi" cemaat birleşmesi advokat Lilâ Gemeciniñ malümatına atıf etip bildire.
Berilgen malümatqa köre, Rusiye mahkemesi Rusiye devlet qabaatlavınıñ muracaatını qanaatlendirgen soñ, bu teşkerüv tayin etildi. "Qırım birdemliginde" qayd etkenlerine köre, keçken oturışuvda imayesi dava iştirakçilerine qoyulğan ve olarnıñ ev kitaphanesinde olmağan edebiyatnı qabul etilmegen delil olaraq tanılmasını rica etken edi. Dava mabüsleriniñ bir qısmı tintüv vaqtında kitaplarnı gizliden qoyğanlarını beyan ete, digerleri ise mahkemede.
Rusiye arbiy taqiqat bölügi haberni teşkergen soñ, Rusiye mahkemesi davanı baqmağa devam etecek.
"Müvekkilimizniñ aytqanına köre, o vaqıt evlerinde bir de bir yabancı yoq edi. Olar edebiyatnı kim qoyğanını bilmeyler. Buña şaat degil ediler, amma tintüv vaqtında edebiyat peyda olğanında israr ettiler", — dep bildirdi Gemeci.
Qayd etilgenine köre, mahkemede imayesi tahqiqat vaqtında yaptırmağa istegen daktiloskopiya ekspertizasınıñ neticeleri de seslendirilgen edi. O, dava mabüslerinden biri Halil Mambetovnıñ evinde qoyulğan kitaplarda onıñ parmaq izleri olmağanını kösterdi.
2023 senesi yanvarniñ 24-nde saba Canköy rayonında Rusiye quvetçileri qırımtatarlarnıñ Ekrem Kroş, Ayder Asanov ve Refat Seydametov, Osman Abdurazakov, Löman Zekiryaev ve Halil Mambetovnıñ evlerinde tintüvler keçirdi:
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.