"Rusiye Tahqiqat komiteti 2022 senesi oktâbr ayında Qırım köpründe yapılğan terroristik areketiniñ bütün şaraitlerini belgiledi, tahqiqat yekünlene, qabaatlanğanlar onıñ materiallarınen tanış olalar", - dep ayttı Rusiye müessisesiniñ yolbaşçısı Aleksandr Bastrikin.
Rusiye Keriç köprüniñ qurucılığını Qırım işğalinden soñ başladı. Avtomobil areketi 2018 senesi açıldı, demiryol areketi 2019 senesi açıldı. Şimdiki vaqıtta Rusiye bu köpürni Ukrayinağa qarşı cenkte iştirak etken ordularınıñ taqımını temin etmek içün qullana.
Köpürde patlav 2022 senesi oktâbrniñ 8-nde yüz berdi. Rusiye qanun qoruyıcılarınıñ malümatına köre, köpürde yük maşinasını patlattılar, bu da yolnıñ eki qısmını yıqıp, demiryol qısmında büyük yanğınğa sebep oldı. Dört adam elâk oldı. Kreml yolbaşçısı Vladimir Putin, Rusiye Federatsiyasınıñ Taqiqat komitetiniñ tahqiqatına esaslanıp, Keriç köpründeki patlavnı "terakt" dep adladı ve Ukrayina mahsus hızmetlerini qabaatladı.
Rusiye Taqiqat komiteti terroristik areket aqqında cinaiy iş açtı. Müessise, teraktnen 12 insan alâqalı olğanını tüşüne, olarnıñ arasında 3 Ukrayina ve Ermenistan vatandaşı bar. 13 oktâbrde Qırımdaki mahkeme ilk beş qabaatlanğannı yaqaladı: Artem Azatyan, Georgiy Azatyan, Roman Solomko, Vladimir Zlob ve Artur Tercanân.
2024 senesi fevral ayınıñ başında Rusiye Tahqiqat komiteti 2022 senesi oktâbr ayında Keriç köpründe yüz bergen patlav neticesinde 7 mlrd rublelik zarar körgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.